一片解构SF90 Stradale 4个行车模式OpenCar

eD、Hybrid、Performance、Qualify

一片解构SF90 Stradale 4个行车模式

上个月公布嘅法拉利旗下第一部Plug-in Hybrid（PHEV）SF90 Stradale，动力输出由3+1 组成，即係3个电摩打加1个4.0公升V8 twin turbo引擎提供，综合马力可以有1,000匹，0-100km/h加速只係2.5秒，0-200km/h加速不过6.7秒，极速有340km/h而且仲係行「四驱」添（唔係纯四驱，睇埋你就知点解）。

呢部千匹hypercar入面一共有四个行车模式可以使用，包括：eD模式、Hybrid模式、Performance模式同Qualify模式，呢四个模式到底分别代表啲咩，厂方就整咗段片为大家解开疑问。

eD模式

喺呢个模式之下，动力只会嚟自车头前面左右两边嘅电摩打提供，部车就会变成一架头辘车（所以SF90係拉利第一部嘅头辘车？！）。而净用电摩打行程可以有25公里（以最高车速135km/h计），用晒电咁点算？ 唔怕，同其他混能车一样，落迫力係可以帮车入面嘅电充返电嘅。

Hybrid模式

Hybrid模式最大嘅目的係为部车提供最大嘅效能，SF90会识得因应车主唔同嘅驾驶需求而转换动力输出，低需求嘅时候就会使用全电模式，相反需求如果大嘅时候果副4.0公升V8 twin turbo引擎就会介入。

Performance模式

Performance模式之下，副内燃引擎同埋电摩打都会长期着住，不过引擎同时又会尽力去帮旧7.9kWh容量嘅电池去充电。

Qualify模式

最后就梗係最劲果只啦，目的最紧要係快！快！快！3+1 组合会出尽全力放晒1000匹马力出嚟，咩充电已经唔会理会，完完全全咁发挥晒部车嘅性能。

軚盘嘅左下角会有四个按钮畀驾驶者去选择四个行车模式。

SF90 Stradale唔係限量型号，预计2020年开始交车。

Video: Ferrari.com

标签：

版权声明：本文由用户上传，如有侵权请联系删除！